| Profil de 永赤子·常思拾遗永赤子·常思拾遗·纵横网络的思考BlogListesLivre d'or |  Outils  Aide |
|
|
01/07/2005 闽南话 講笑詼慢且歡喜
一個患者開刀了後，佇病房講：「讚！我的身體無問題矣！」隔壁床的患者講：「慢且歡喜咧！凡勢汝的腹肚底有留物件，汝著擱開一擺！」另外一床的患者講：「我著是為著一支夾仔擱予人開一擺，佇腹肚底共我撓規晡。」當怹(in)討論甲鬧熱怫怫(pūt)的時，怹看著迄個(ē)開刀的醫生青青狂狂走入來病房，真緊張共怹問講：「恁敢有看著我的皮鞋？」 賊星該敗 天才喜劇明星卓別林，有一回拄著賊徒舉槍拄伊的頭卜搶劫。卓別林知影代誌大條囉，所以毋敢反抗，乖乖將錢提予賊徒。但是伊保持冷靜共賊徒要求講：「遮個錢毋是我的，是阮頭家的，即碼錢攏予汝捎去矣，阮頭家一定會掠準我暗降，私吞公款。即位大哥，敢會使參詳一下，拜託汝佇我的帽仔彈兩銃，表示(證明)我是被人搶劫的。」賊徒心內想講，這是簡單的代誌，所以著對帽仔連續彈兩銃。紲落，卓別林擱一次要求講：「即位大哥，是毋是會當順紲佇衫仔佮褲同齊(作伙)開一銃，予阮頭家袂起疑心。賊徒看錢的面子，一時無想赫濟，攏照咧做，啥知一下仔手(囝)，六粒銃子彈了了。眼明手快的卓別林，即時著一拳bhōk去，將賊徒拍昏倒在地，趕緊取回錢包仔，露出得意的笑容離開現場。 闽南话拾趣天飼人肥肭肭，人飼人伸一支骨。 囡仔食甲畏，才有通落公婆喙。 相讓食有伸，相搶食無份。 搰力食栗(lat)，貧憚吞瀾(nūa)——一分耕耘一分收穫 嚴官府出厚賊，嚴父母出阿里不達——官逼民反 娶(cua)著好某較好做祖，娶著歹某一世人艱苦 |
|
|
